ರಂಗಸ್ಥಳದಲ್ಲಿ ನಾನು ನೋಡಿದ್ದು...

ನಾನು ಕಾಲೇಜು ದಿನಗಳಲ್ಲಿ ನಾಟಕಗಳಲ್ಲಿ ಅಭಿನಯಿಸಿದ್ದೇನೆ. ನಾಟಕ ಬರೆಯುವ ಪ್ರಯತ್ನ ಮಾಡಿದ್ದೇನೆ.
ಕೆಲವು ಪತ್ರಿಕೆ, ನಿಯತಕಾಲಿಕಗಳಿಗಾಗಿ ನಾಟಕ ವಿಮರ್ಶೆಗಳನ್ನು ಬರೆದಿದ್ದೇನೆ. ಹಾಗೆ ಬರೆದ ವಿಮರ್ಶೆಗಳು ಎಲ್ಲೆಲ್ಲಿಯೋ ಚದುರಿ ಹೋಗಿವೆ. ಕೆಲವು ರಂಗಮಿತ್ರರು ಅದನ್ನೆಲ್ಲಾ ಒಟ್ಟುಸೇರಿಸಿ ನೀವ್ಯಾಕೆ ಒಂದು ಪುಸ್ತಕ ಹೊರತರಬಾರದು ಎಂದು ಹಲವಾರು ಬಾರಿ ಕೇಳಿದ್ದಾರೆ. ಆ ಬರಹಗಳು ಅಷ್ಟು ಮೌಲಿಕವಾದುವು ಎಂದು ನನಗನ್ನಿಸಿಲ್ಲ. ಇತ್ತೀಚೆಗೆ ಹಳೆ ಪುಸ್ತಕಗಳನ್ನು ರದ್ದಿಗೆ ಹಾಕುವಾಗ ಅಕಸ್ಮತ್ತಾಗಿ ಕೆಲವು ಪೇಪರ್ ಕಟ್ಟಿಂಗ್ಸ್ ದೊರಕಿದವು. ಇವುಗಳಿಗಾಗಿ ಬ್ಲಾಗ್ ಒಂದನ್ನು ಯಾಕೆ ರಚಿಸಬಾರದು ಅನ್ನಿಸಿದಾಗ ಹುಟ್ಟಿಕೊಂಡದ್ದೇ ’ರಂಗಸ್ಥಳ’

ರಂಗಸ್ಥಳದಲ್ಲಿ ನಾಟಕ, ಸಿನೇಮಾ, ಯಕ್ಷಗಾನ ಮತ್ತು ಭೂತಾರಾಧನೆಯಂತಹ ದೃಶ್ಯ ಮತ್ತು ಆರಾಧನಾ ರಂಗಭೂಮಿಗೆ ಸಂಬಂಧಪಟ್ಟಂತ ಬರಹಗಳನ್ನು ಪೋಸ್ಟ್ ಮಾಡುವ ಇರಾದೆಯಿದೆ. ಜೊತೆಗೆ ನನ್ನ ಇನ್ನೊಂದು ಬ್ಲಾಗ್’”ಮೌನಕಣಿವೆ’ www.mounakanive.blogspot.com ನಲ್ಲಿರುವ ನಾಟಕಕ್ಕೆ ಸಂಬಂಧಪಟ್ಟ ಬರಹಗಳನ್ನು ಇಲ್ಲಿಗೆ ಸ್ಥಳಾಂತರಿಸುತ್ತೇನೆ.

ಎಂದಿನಂತೆ ನಿಮ್ಮೆಲ್ಲರ ಸಹಕಾರ ಪ್ರೋತ್ಸಾಹ ನನಗಿರುತ್ತದೆಯೆಂದು ನಂಬಿದ್ದೇನೆ.